Danska sendistovan í Iran stongd

Danska sendistovan í iranska høvuðsstaðnum Teheran er stongd. 

Øll starvsfólkini á sendistovuni eru farin av landinum. 

Tað var gjørt fyri nøkrum døgum síðani, men av trygdarávum er hetta hildið loyniligt til nú. 

Tað segði Lars Løkke Rasmussen, uttanríkisráðharri, á tíðindafundi fyri løtu síðani:

Lars Løkke Rasmussen upplýsti eisini, at 110 fólk eru skrásett á listanum yvir danskar ríkisborgarar í Iran. 

Tey hava fingið boð um at venda sær til donsku sendistovurnar í grannalondunum, eitt nú í Turkalandi, ella til myndugleikarnar heima í Danmark, um tey hava tørv á hjálp.

Lars Løkke Rasmussen leggur í sama viðfangi dent á, at tey 110 fólkini á listanum fleiri ferðir eru biðin um at fara úr Iran. 

Fleiri onnur lond hava eisini stongt sínar sendistovur í Teheran. 

Í morgun boðaði USA frá, at kríggið móti Iran gongur væl, at Iran fer at tapa, og at dagurin í dag verður ógvusligur.

Iran hevur higartil hvørki viljað tosað um vápnahvíld ella diplomatiska loysn við USA.