Eldrasamstørv leggja møguliga saman

Stýrini í eldrasamstørvunum Nánd og NBH eru farin at kanna møguleikarnar fyri tættari samstarvi og møguliga eisini einari samanlegging millum samstørvini.

Í Nánd eru Eysturkommuna og Fuglafjarðar kommuna. 

NBH, Norðoya bú- og heimatænasta, er samstarv um eldraøkið millum Klaksvíkar kommunu, Hvannasunds kommunu, Kunoyar kommunu, Viðareiðis kommunu og Fugloyar kommunu.

Arbeitt hevur verið við hesum í hálvt ár. 

Orsøkin er, at eldraøkið komandi árini fer at fáa vaksandi tørv og brúk fyri størri íløgum, siga komunurnar. 

Tað verður eisini ein størri avbjóðing at fáa og varðveita starvsfólk.