Oscars-heiðurslønirnar verða handaðar í nátt

So er tað í kvøld, at bestu avrikini innan filmsídnaðin skulu heiðrast, tá 98. Oscars-handanin verður í Dolby Theater í Hollywood, Los Angeles.

Filmurin "Sinners" gongur á odda við ikki færri enn 16 tilnevningum, sum er met.

Honum á baki kemur "One Battle After Another" við 13 tilnevningum.

Aðrir tilvendir filmar eru "Bugonia," "F1," "Frankenstein," "Hamnet," "Marty Supreme," "The Secret Agent," "Sentimental Value" og "Train Dreams."

 

SÍ EISINI: 98. Oscars-tilnevningarnar 

 

Bestu sjónleikararnir

Tá tað kemur til bestu sjónleikaraavrikini, so eru teir tilnevndu menninir Timothée Chalamet ("Marty Supreme"), Leonardo DiCaprio ("One Battle After Another"), Ethan Hawke ("Blue Moon"), Michael B. Jordan ("Sinners") og Wagner Moura ("The Secret Agent").

Tær bestu kvinnurnar eru Jessie Buckley ("Hamnet"), Rose Byrne ("If I Had Legs I'd Kick You"), Kate Hudson ("Song Sung Blue"), Renate Reinsve ("Sentimental Value") og Emma Stone ("Bugonia").

Sum siðvenja er, so koma sjónleikararnir, ið vunnu í fjør, at handan gyltu standmyndina til ársins vinnarar. Tey eru Mikey Madison, Adrien Brody, Kieran Culkin og Zoe Saldaña.

Mynd: Academy of Motion Picture Arts & Sciences

 

Kend fólk og framførslur

Nógv onnur kend fólk koma at handa virðislønir, eitt nú Javier Bardem, Anne Hathaway, "One Battle After Another"-spírin Chase Infiniti, "Hamnet"-stjørna Paul Mescal, "Marty Supreme"-stjørnan Gwyneth Paltrow, sjónvarpsverturin og fyrrverandi Oscars-verturin Jimmy Kimmel, Wagner Moura, ið er tilnevndur til besta sjónleikara fyri "The Secret Agent" og farðir og sonur, Bill og Lewis Pullman.

Tvær tónleikaframførslur vera á skránni av tveimum av sangunum, ið eru tilnevndir til besta sang, "Golden" frá from Netflix-filminum "KPop Demon Hunters" og "I Lied to You" from "Sinners." Ejae, Audrey Nuna and Rei Ami fara at framføra "Golden," meðan stjørnurnar úr "Sinners", Miles Caton og Raphael Saadiq, fara at framføra "I Lied To You."

Her eru øll tey tilnevndu (Mynd: Richard Harbaugh / The Academy)