Trump niðurlagar revsitiltøk ímóti Iran

Trump umhugsar at gevast við hernaðarligum átøkum í Miðeystri.  

Tað skrivaði hann í nátt á Truth Social, skrivar danska ríkiskringvarpið.

- Vit eru sera nær við at røkka okkara málum, og umhugsa nú at avvikla okkara stóru hernaðarligu átøk ímóti yvirgangs-stýrinum í Iran, stendur millum annað í uppslagnum. 

USA hevur eisini gjørt av at niðurlaga revsitiltøk fyri at keypa iranska olju frá skipum. Hetta skal lætta um trýstið á orkuveitingarnar síðani stríðið, sum USA og Ísrael føra móti Iran, byrjaði.

Tað skrivar amerikanski fíggjarmálaráðharrin, Scott Bessent, á miðlinum X, sambært Danmarks Radio.