Ein dýrgripur, at vit eru Føroyar

- Tað er altíð ein vón, sigur 8 ára gamla Lóa Einarsdóttir Gullbein, sum gongur í 2.flokki í skúlanum við Løgmannabreyt.

Týsdagin var Lóa í Barnaútvarpinum og greiddi frá. Hon var í Norðurlandahúsinum í samband við barnafestivalin - Frítt flog, har evnið var - Fólkaræði. Lóa heldur, at tað er ein dýrgripur, at vit eru Føroyar.

Tað hevur stóran týdning, at vit vita um okkara land,

Lóa, 8 ár

Lóa dámar væl at fylgja við í valsendingunum, nú løgtingsvalið er fyri framman, men Dagur og Vika er hennara yndissending.

Í frítíðini gongur Lóa til fimleik, føroyskan dans, hon spælir trombon og er KFUK skótir. Í dag fer Lóa til skótar, og tey hava spurt, um hon kann tosa um barnarættindi.

Hoyr Lóu her:

Tú finnur alla sendingina á ViT.