Ungur føroyskur kokkur á veg til heimsmeistarakapping

22 ára gamli Lassi Havsteinsson Klein fyrireikar seg til heimsmeistarakapping í Paris fyri ungar kokkar, sum verður hildin 16. apríl. Her skal hann kappast ímóti 9 luttakarum úr øllum heiminum í kappingini Jeunes Talents Escoffier.

Lassi gjørdi vart við seg í oktober í fjør, tá hann vann evropameistarakappingina fyri ungar kokkar í London. Sigurin setti hann á altjóða kokkakortið og gav honum møguleikan at kappast um heimsmeistaraheitið.

Hann er ættaður av Sandi, er 22 ára gamal, giftur og pápi at einum tvey ára gomlum soni. Samstundis er hann í læru sum kokkur á Søllerød Kro í Danmark, har hann verður útlærdur seinni í apríl.

Morgunsendingin fekk orðið á unga stjørnuskotið: