Breivik broytir aftur navn

Norski yvirgangsmaðurin, Anders Behring Breivik, hevur broytt navn, skrivar Aftenposten.

Nú eitur hann Jan Johansen, sum er vanligasta navnasamanseting í Noregi. 599 fólk itu Jan Johansen seint í 2025.

Hetta er ikki fyrstu ferð, at Breivik broytir navn. Í norska landsfólkayvirlitinum er hann skrásettur at hava itið  Skaldgrimmr Rauskjoldr af Northrik og undan tí Fjotolf Hansen.

Advokaturin hjá honum, Øystein Storrvik, hevur onga viðmerking um, hví Breivik broytir navn.

Anders Behring Breivik tók 77 fólk av døgum í einum yvirgangsálopi á Utøya og í Oslo 22. juli 2011.

Í august 2012 fekk hann harðastu revsing í Noregi, í minsta lagi 21 ár í forvaring. Síðani hevur hann sitið avbyrgdur í fongsli.