Serligi amerikanski sendimaðurin til Grønlands

Serligi sendimaðurin hjá USA í Grønlandi, Jeff Landry, fer væntandi til Grønlands í mai.

Navn hansara er í øllum førum á gestalistanum til stóru vinnuráðstevnuna, Future Greenland, sum verður 19. og 20. mai, skrivar grønlendski miðilin Sermitsiaq.

Tað var í desember í fjør, at Donald Trump, forseti, tilnevndi Jeff Landry, guvenør í Louisiana, at vera serligan sendimann í Grønlandi.

Men einki hevur verið at frætt um, at Jeff Landry hevur verið í Grønlandi, síðani hann bleiv tilnevndur.

Grønlands Ervherv, sum skipar fyri vinnuráðstevnuni, upplýsir, at Landry er ikki boðin á ráðstevnuna, men er við sum vanligur gestur.

Tá Landry var tilnevndur serligur sendimaður í Grønlandi, segði hann, at hann átekur sær fegin sjálvbodna leiklutin at gera Grønland til part av USA.