VÍF mundi koppað Kyndil í triðju FM-finaluni

Kyndil vann triðju finaluna um føroyameistaraheitið í hondbólti við kvinnum, men leingi sá út til, at VÍF fór at koppa favorittinum á Hálsi í Havn. 

Vestmenningar, sum javnaðu til 1-1 í FM-finalurøðini eftir longda leiktíð og brotskøst, tá liðini hittust í Vestmanna mikukvøldið, løgdu seg framum beinanvegin á útivølli leygardagin.

Ta leiðsluna høvdu tær gulu heilt til síðstu minuttirnar á Hálsi, men tá skeyt Kyndil trý ósvarað mál og vann 29-27. Havnarliðið er nú ein sigur frá FM-gullinum.

Turið Arge Samuelsen var sum ikki einaferð toppskjútti hjá Kyndli við átta málum, meðan Fríða Nolsøe Olsen skoraði heili 13 ferðir fyri VÍF.

Fjórða FM-finalan verður í Vestmanna mikukvøldið.