Varðhaldsfongslaðir fýra vikur aftrat

Varðhaldið hjá tveimum monnum er aftur longt í fýra vikur.

Annar játtaði sjálvboðin, at varðhaldið var longt.

Rættarfundur var um hin. 

Menninir eru skuldsettir fyri grovan harðskap, fyri at hava sett eld á við vilja, og fyri rán.

Hendingarnar vóru í einum sethúsum í miðbýnum í Havn tíðliga um kvøldið 18. februar. 

Maðurin í húsunum var álopin heima hjá sær sjálvum og var fyri ógvusligum harðskapi.

Eisini var eldur settur á, har maðurin var staddur.

Báðir skuldsettu menninir nokta seg sekar.