Almennur fundur um undirsjóvartunnil

Fyrsta stigið av álvara til at gera undirsjóvartunnil í Kalsoynna verður tikið í kvøld.

Klokkan sjey verður almennur fundur um undirsjóvartunnil í Kalsoynna.

Hann verður á Skúlatrøð í Klaksvík.

Tunnilsbólkurin skipar fyri.

Í honum eru Eyðun Eliasen á Trøllanesi, Markus í Norðnástovu í Mikladali, Sólarn Isaksen á Húsum og 
Bjørn Kalsø á Syðradali.

Á fundinum fer Jacob Vestergaard, landsstýrismaður, at siga, hvørja ætlan, landsstýrið hevur.

Karl Johansen, borgarstjóri, fer at tosa um, hvønn týdning, góð samferðsla hevur, Fríðrik Heinesen, verkfrøðingur hjá Landsverki, tosar um ferðasamband til Kalsoynna,  Mourits Joensen og Kristian Stórhamar tosa um linjuføring, kostnað og føroyska arbeiðsmegi og Símun í Norðnástovu og Dávur Syderbø siga, hvussu tað er at búgva í Kalsoynni og ferðast ímillum.