Russland lopið á fleiri býir í Ukraina

Russiski herurin heldur fram við álopum í Ukraina.

Í nátt framdi russiski herurin umfatandi álop í ukrainska høvuðsstaðnum, Kyiv, og í býunum Dnipro og Kharkiv.

Hetta er triðja russiska stórálopið á Kyiv seinasta mánaðin, skrivar tíðindastovan Reuters.

Ukrainski forsetin, Volodymir Zelenskyj sigur, at talan var um 656 russisk dronuálop og 73 raktettálop, skrivar Reuters.

Sambært russiska verjumálaráðnum, eru tíggju hernaðarverksmiðjur Í Kyiv raktar í álopunum.

Millum teirra vóru verksmiðjur, sum framleiða dronur, sigur russiska verjumálaráðið.

Sambært ukrainskum myndugleikum hava í minsta lagi 18 fólk latið lív, og hundrað eru løstað í russisku álopunum í fleiri ukrainskum býum í nátt.