Christian Eriksen: - Eg havi tað gott

Christian Eriksen hevur tað gott og er saman við familjuni. Tað skrivar danski miðvallarin í Instagram, eftir at hann small í venjingardystinum ímóti Ukraina sunnudagin.

 - Sum tit kunnu ímynda tykkum, ávirkaði tað bæði meg og familuna, at eg fekk stoyt frá hjartastartaranum, skrivar 34 ára gamli fótbóltsspælarin á sínum vanga.

LES EISINI: Christian Eriksen small aftur

Hetta var aðru ferð, at Christian Eriksen smellur á vøllinum. Miðvallarin fekk hjartasteðg í EM-dysti ímóti Finnlandi í Parkini til EM-endaspælið í 2021. 

Eftir tilburðin fekk hann pacemakara skurðísettan. Sjey mánaðir seinni byrjaði hann at spæla yrkisfótbólt aftur í Brentford. Hendingin í gjár kann ikki samanberast við hana fyri fimm árum síðan, sigur Christian Eriksen sambært donskum miðlum.

Í skrivinum takkar hann liðfeløgum á heilsustarvsfólkum, sum hjálptu honum á vøllinum í Odense sunnudagin, og hann sendir eisini eina tøkk til øll, sum hava "tikið sær av sær og hjartanum" síðstu árini.

 - Tað er teirra serkunnleika at takka, at  mín ICD (hjartastartari, blaðm.) gjørdi tað, hann skuldi: Nevniliga verja meg, tá eg hevði brúk fyri tí, skrivar Christian Eriksen.

 - Nú hugsi eg bert um at koma fyri meg, vera saman við familjuni, halda frí og spæla fótbólt saman við børnunum.