Hevur kært dómin til landsrættin

Marius Borg Høiby, sonur norsku krúnprinsessuna Mette-Marit, hevur kært dómin, sum hann fekk í tingrættinum í Oslo í dag.

Rætturin dømdi Marius Borg Høiby fýra ára fongsul fyri m.a. neyðtøku og harðskap.

Hann var ákærdur fyri tilsamans fýra neyðtøkur. Rætturin dømdi hann sekan í tveimum neyðtøkum, men fríkendi hann fyri tvær. 

Marius Borg Høiby hevur noktað seg sekan í teimum grovastu ákærunum, og í landsrættinum krevur hann at verða fríkendur fyri neyðtøku, upplýsir annar av verjunum, Petar Sekulic, fyri norskum miðlum.

Marius Borg Høiby var í rættinum í Oslo eisini dømur at rinda 640.000 norskar krónur í endurgjaldi til tey fýra offrini.

Tað svarar til góðar 435.000 krónur í okkara peningi.