Fjarskiftisupplýsingar skulu goymast í eitt ár

Fjarskiftisfyritøkur í Føroyum fáa 1. mars næsta ár álagt at goyma fjarskiftisupplýsingar í eitt ár, so tær kunnu brúkast í sambandi við, at revsiverd viðurskifti vera kannað og rættarsøkt.  

Tað sigur rættargangslógin.

Danska kunngerðin um skráseting og goymslu er send til hoyringar í Føroyum.

Ásett er, at danski løgmálaráðharrin eftir samráðingar við landsstýrið kann áseta nærri reglur um skráseting og goymslu.

Endamálið er at geva løgregluni eftirkanningaramboð, sum er av avgerandi týdningi fyri at kanna og rættarsøkja talgild lógarbrot. 

Kunngerðin er ikki galdandi fyri at senda útvarp og sjónvarp. 

Og heldur ikki fyri lutafeløg, eigarafeløg, antennufeløg og onnur slík feløg, sum veita tænastur til færri enn 100 limir.