Friðaravtalan lækkar oljuprísin munandi

Nú USA og Iran hava skrivað undir friðaravtala, er oljuprísurin fallin munandi.

Tað eru útlitini til, at Hormuzsundið letur uppaftur. Sundið er sera týdningarmikið í oljuhøpi, tí umleið ein fimtingur av allari heimsins olju verður flutt tann vegin.

Áðrenn kríggið byrjaði lá oljuprísurin og sveiggjaði millum 60 og 70 dollarar fyri tunnuna, men hann fór beint upp í loft, tá iransku myndugleikarnir gjørdu av at steingja Hormuzsundið. Eitt skifti var prísurin uppi á 114 dollarum fyri tunnuna.

Men seinasta mánaðin er oljuprísurin kropin spakuliga niðuraftur, og í morgun er prísurin fyri Brent-olju komin niður á slakar 78 dollarar fyri fatið, og Crude-oljan kann í morgun keypast fyri slakar 75 dollarar fyri fatið.

Tað er ein príslækking uppá sløk 30 prosent henda seinasta mánaðin.