Andy Burnham stillar upp til formansvalið í Labour

Andy Burnham ætlar at gerast formaður í Labour og forsætisráðharri í Bretlandi.

Tað váttar hann á miðlinum X.

Andy Burnham, sum hevur verið borgarstjóri í Manchester, var í síðstu viku valdur í parlamentið á einum eykavali. 

Hildið verður, at hann hevur bestan møguleika at gerast formaður í Labour eftir Keir Starmer, sum fyrrapartin boðaði frá, at hann leggur frá sær.

Keir Starmer heldur fram sum floksformaður og forsætisráðharri, til tað er greitt, hvør skal taka við.

- Eg haldi fram sum forsætisráðharri, til valið av nýggjum floksformanni er av, sigur Keir Starmer. 

Ætlanin er, at uppstillingin til formansvalið í Labour skal vera liðug, áðrenn parlamentið fer í summarfrí. Freistin at stilla upp er 16. juli.