Seinasti samráðingarfundur fyri summarfrítíðina

Akademikarafelagið og Fíggjarmálaráðið samráðast aftur seinnapartin í dag, og hetta er seinasti fundur fyri summarfrítíðina. 

Tað sigur formaðurin í Akademikarafelagnum, Arni Petersen.

Lønarsamráðingarnar byrjaðu í síðstu viku. 

Akademikarafelagið hevur handað krøv um tvey ára sáttmála, sum skal verða galdandi til 2028. 

Fyrst í juni gjørdi felagið sáttmála við Fíggjarmálaráðið, sum er galdandi frá 1. oktober í fjør til 1. oktober í ár. Lønarhækkingin er 3,87 prosent.

Akademikarafelagið er partur av felags lønarkarminum, sum tey 12 fakfeløgini gjørdu í fjør við Lønardeildina hjá Fíggjarmálaráðnum.