Oljutrot í Russlandi

Tørvurin á brennievni ger, at kríggið av álvara er farið at merkjast í Russlandi.

Vladimir Putin, forseti, viðgekk í røðu í gjár, at støðan er trupul.

Eftir at ukrainsk álop í fleiri mánaðir, sum hava verið beinleiðis vend móti oljuídnaðinum, er tørvurin á brennievni nú stórur í Russlandi, skrivar danska kringvarpið.

Oljureinsingarstøð rakt

16. juni raktu ukrainsk álop størsta oljureinsiverkið í Russlandi, nærhendis Moskva. Hetta hevði við sær sera stórt oljutrot í Moskva

- Vit síggja trupulleikarnar, kennast við teir og bera okkum at hareftir, men vit noyðast eisini at ansa eftir trygdini hjá landi og fólki og at verja russisku landamørkini, segði Vladimir Putin í røðu síni í Kreml.

Hetta er fyrstu ferð, Putin hevur ásannað trupulleikarnar, sum ukrainsku álopini hava elvt til, sigur óhefti trygdarpolitiski greinarin, Jakob Kaarsbo, við danska kringvarpið.