Undrast á mannagongdina hjá Firum

Í gjárkvøldið eftir midnátt, frætti Martin Kúrberg, sum býr í Skálavík, um, at flótigørn vóru sett út í víkini í Skálavík.

Hann fór oman og sá trý flótigørn, at har vóru tríggir menn í einum báti.

- Eg spurdi teir, hvat teir gjørdu. Teir søgdu, at teir settu gjørn eftir sílum, at teir vóru frá Firum, og at teir høvdu loyvi til tað, sum teir gjørdu.

Eingin visti nakað um tað
Martin Kúrberg sigur við Kringvarpið, at hann ringdi til politiið og greiddi frá, hvat tað var, sum gekk fyri seg. Teir vóru undrandi um tað.

Og hann hevur so eisini ringt til borgarstjóran í Skálavíkar kommunu, og spurt, um kommunan hevði fingið nakra kunning. Men hann visti heldur einki um tað.

Kunning og annar framgangsmáti
- Gørnini blivu tikin upp aftan á, at eg hevði gjørt vart við hetta. Tað, sum eg vildi ynskt, tað varð, at teir brúktu ein annan framgangsmáta, tí sjósílini í Føroyum eru undir trýsti. Tað vita øll. Tað er øgiliga nógv minkað í sjósílum tey síðstu árini.

- Tað hevði verið øgiliga gott, um tey kunnaðu avvarandi myndugleikar á staðnum, so at mann visti, hvat gekk fyri seg. Tí tað virkar øgiliga bombastist at seta so nógv gørn á víkina. Og um teir nú fara aðrastaðnis, at fortelja, hvat tað er, teir vilja kanna, tá teir skulu drepa sílini. Kundi tað ikki latið seg gjørt upp á ein annan máta? Tað hevði verið áhugavert at vitað.

Hoyr innslag úr Útvarpstíðindunum.