Stór hjartasorg: Bonnie Tyler er deyð

Heimskenda, walisiska songkvinnan, Bonnie Tyler, er deyð.

Bretska kringvarpið, BBC, skrivar, at Bonnie Tyler doyði á einum sjúkrahúsi í Portugal, og at hon gjørdist 75 ára gomul.

Bonnie Tyler varð fødd Gaynor Hopkins í Skewen i Wales i 1951.

Gjørdist kend í 1977

Hon gjørdist rættiliga kend í 1977, og hevur fleiri ferðir verið í uppskoti at fáa Grammy virðislønina.

Í 2022 fekk hon bretska heiðursmerkið, Order of the British Empire, skrivar BBC.

Millum kendu og best umtóktu sangirnar há Bonnie Tylor vóru "It's a Heartache", 'Total Eclipse of the Heart' og "Holding Out for a Hero".

Lænti klæðir frá Klædnabúðini

Fyri tjúgu árum síðani, í 2006, sang Bonnie Tyler á Mjús festivalinum á Sandi.

Hetta gjørdist ein minnilig løta fyri bæði tey, ið vóru og lurtaðu, men eisini fyri Bonnie Tyler og Klædnabúðina í Skálavík. 

Tað vildi so illa til, at kuffertið hjá Tyler ikki var komið við til Føroya, og tískil vóru góð ráð dýr, tí hetta var áðrenn koyrandi var til Sands. 

Men neyðin lærir nakna kvinnu at spinna, so farið var ein túr til Skálavíkar og klædnahandilin Klædnabúðina, sum tá var í bygdini. 

Har fekk Bonnie Tyler lánt sær stás til framførsluna, og tað skilst, at hon endaði við at keypa onkur av pløggunum, ið hon var í.