Andy Burnham valdur til formann í Labour

Andy Burnham er nú formaður í bretska Labourflokkinum. 

Á ráðstevnu í London var hann í dag tilnevndur forrmaður eftir Keir Starmer, sum í farna mánaði legði frá sær, bæði sum forsætisráðharri og formaður í Labour.

- Eg eri til reiðar, segði Andy Burnham á røðarapallinum, sambært BBC.

Hann rósti undanmanni sinum, Keir Starmer, fyri tíðina, hann hevur røkt formansstarvið, og vísti á, at Labour vann stórsigur á seinasta parlamentsvali.

Keir Starmer verður forsætisráðharri til mánadagin, tá hann væntandi fer til Charles kong at biðja um at verða loystur úr starvi.

Síðani fer Andy Burnham til kong, sum fer at biðja hann um at skipa nýggja stjórn.