Norðuramerika sigur eisini nei til ætlanirnar hjá FIFA

Fleiri fótbóltssambond siga seg fara at atkvøða nei, til ætlaninar hjá FIFA um at seta FIFA FORWARD ENTERPRICE á stovn og selja umleið 20 prosent av tí til privatar íleggjaðar.

Eftir ætlan skal FIFA Forward Enterprise umsita øll handilslig rættindi, so sum sjónvarpsrættindi, stuðlar og atgongumerkjasølu. 

Um hetta skal gerast veruleiki skal ein meiriluti atkvøða fyri uppskotinum. FIFA hevur 212 limir og hvør limur hevur eina atkvøðu. Tað skulu sostatt 106 atkvøður fyri antin at samtykkja ella vraka uppskotið. 

Og sambært danska kringvarpinum eru tað í løtuni 90 limir, sum eru ímóti uppskotinum. 

Millum annað hevur UEFA vegna øll 55 limalondini í UEFA sagt at tey ikki taka undir við uppskotinum. 

Tað sama kann sigast um fótbóltssamgonguna fyri Norður-, Miðamerika og Karibia, CONCACAF, sum millum sínar 41 limir hevur USA, Kanada og Meksiko. 

Her varð avgjørt at vísa uppskotinum frá FIFA aftur við hesi grundgeving:

- Concacaf er eitt fótbóltssamband, sum er sameint av kærleikanum til fótbóltin, har fótbólturin altíð kemur fremst.

- Á fundinum vóru limirnir stúrnir um vantandi rættargongd í sambandi við uppskotið, tí óvanliga stuttu freistina og vantandi viðgerð ella góðkenning frá teimum viðkomandi stýrislimunum hjá FIFA.