Stríðið steðgað fyribils

Amerikanski forsetin, Donald Trump er í holt við ætlanir at steðga krígnum í Iran.

Amerikanski forsetin boðaði í nátt frá á sosialum miðlum, at fleiri lond í Miðeystri eru vorðin samd um karmarnar um eina avtalu við USA um at enda kríggið við Iran. Hetta skrivar tíðindastovan AP í morgun.

Fráboðanin kemur eftir at amerikanski forsetin í nátt hevur tosað í telefon við Mohammed bin Salman, krúnprinsin í Saudi Arabia. Krúnprinsurin skal hava ávarað Trump ímóti at herða amerikonsku álopini á Iran.

Trump sigur nú, at USA ikki fer at fremja nýggj álop á Iran, meðan arbeitt verður við friðaravtaluni. Amerikanski forsetin  leggur aftrat, at avtalan skal fevna um eina fullkomna upplating av Hormuz sundinunm beinavegin, og ein enda á kjarnorkuhóttanini hjá Iran. 

Iran hevur enn ikki alment váttað, um landið tekur undir við nøkrum friðarsamráðingum.