Talgilda tíðindasøgan aftur á netið

Tað eru tveir útlendskir veitarar, sum eru um boðið at hýsa føroyskum talgildum tilfari frameftir. 

Og teir eru ikki ókendir. 

Landsbókasavnið hevur biðið um tilboð frá timarri.is, sum er íslendskur pallur, sum føroyingar hava havt samstarv við áður. 

Og tað sama er galdandi fyri Retriever, sum er hin pallurin í boði. 

Báðir pallarnir eru viðurkendir frammanundan, og tí er tað sambært Anniku Smith, stjóra á Landsbókasavninum, ikki tað stóra, sum skal til fyri at fáa tað at rigga. 

- Tað er í roynd og veru bert at hýsa tilfarinum og gera føroyskan tekst. Skuldi mann ment eina nýggja føroyska skipan, so hevði tað helst verið nakað heilt annað.

Síðani veitarin av tidarrit.fo gavst, hevur tað ikki verið gjørligt á talgildan hátt at finna gamalt tlifar hjá Landsbólkasavninum. 

Annika Smith vónar, at tilfarið aftur verður tøkt áðrenn árslok.

Hoyr innslagið við Anniku Smith niðanfyri: