Hallur Hansson framvegis tríggjar dystir leikbann

Hallur Hansson skal framvegis sita tríggjar dystir uttanfyri.

Tað er greitt, eftir at Aga- og etiskanevndin hjá Fótbóltssambandi Føroya hevur viðgjørt kæruna frá KÍ og staðfest avgerðina hjá aðalumsitingini hjá FSF.

Hallur Hansson fekk leikbann fyri at hava sparkað ein NSÍ-spælara, meðan bólturin var í spæli aðrastaðni á vøllinum. Hendingin varð ikki sædd av dómaranum undir dystinum, men varð viðgjørd eftirfylgjandi við støði í dómarafrágreiðing og videoupptøkum.

KÍ kærdi avgerðina og helt, at revsingin átti at verið tvey dystir heldur enn tríggir. Felagið vísti á, at hendingin var ein reaktión eftir eina takkling, og at NSÍ-spælarin ikki fekk nakran skaða.

Aga- og etiskanevndin metti tó, at talan var um grovt brot, og at revsingin samsvarar við vegleiðingina hjá FSF.

Avgerðin er endalig og kann ikki kærast víðari til Yvirkærunevndina.