Harðskapur og hassj

Í gjár fekk politiið fráboðan um harðskap í Klaksvík sunnunáttina.

Politiið sigur seg vita, hvør framdi harðskapin og kannar málið.

Í gjár var eitt ferðafólk tikið á flogvøllinum í Vágum við stívliga 60 grammum av hassji.

Einki revsivert var í einari hending í Havn á ólavsøku, tá ein bilførari vendi sær til tríggjar ungar gentur.

Hetta var meldað. Politiið hevur tosað við bilføraran og genturnar.

Niðurstøðan er, at einki revsivert er hent.

Hvat bilførarin vildi gentunum, er ikki upplýst.

Og ein bilførari var tikin í gjár. Hann hevði húsvogn, men ikki koyrikort til húsvogn.