Føroyingur dømdur í Danmark fyri neyðtøku

Ein 30 ára gamal føroyingur er dømdur trý ára og tríggjar mánaða fongsulsrevsing fyri grova neyðtøku.

Hann fekk dómin í rættinum í Hjørring í gjár. Rætturin dømdi sum ákæruvaldið kravdi.

Neyðtøkan var, sambært dóminum, í Frederikshavn í mars 2024.

Maðurin er dømdur fyri at bakbinda kvinnuna og doyva hana við terpentini.

Hann skal rinda kvinnuni 50.000 kr. í skaðabót.

Hann fór í varðhald eftir dómin. 

Maðurin noktar seg sekan.

Sjálvboðið

Tað var sjálvboðið kynssamband, segði hann.  

Hann hevur ikki enn avgjørt, um hann fer í landsrættin við dóminum.

Maðurin var leingi eftirlýstur fyrr í summar.

Tað visti hann ikki, segði hann í rættinum.

Hann var til sjós, og hann fylgdi ikki við í tíðindunum.