KT-trygdarserfrøðingur: Noyðast at venja okkum við telduálop

Tað er tað týdningarmikið, at fyritøkur eru væl fyrireikaðar og vita, hvussu tær skulu bera seg at, tá eitt telduálop rakar, sigur Bárður Christiansen

Bárður Christiansen er KT-trygdarserfrøðingur.

Heini Johannesen

05.10.2026 - 12:56

- Vit verða noydd at venja okkum við slík telduálop frameftir.

Tað sigur Bárður Christiansen, KT-trygdarserfrøðingur.

Tí er tað týdningarmikið, at fyritøkur eru væl fyrireikaðar og vita, hvussu tær skulu bera seg at, tá eitt telduálop rakar.

Sí eisini: Teldusníkar lupu á Bakkafrost í átta tímar

Bakkafrost er ein av størstu fyritøkunum í Føroyum, við framkomnari verjuskipan ímóti telduálopum. Men sum heild er tað ivasamt, hvussu føroyskar fyritøkurnar eru fyrireikaðar, um eitt álvarsligt KT-álop rakar.

Samstundis sum vit í dag hoyra um álopið á Bakkafrost, hava teldusníkar fingið atgongd til og stolið CPR-nummar hjá 8,8 milliónum skrásettum persónum í Danmark.

Fyri fáum døgum síðani varð Danmarks Tekniske Universitet eisini rakt av einum teldusníkaálopi.

Og hetta er nakað, sum vit mugu venja okkum við framyvir, sigur Bárður Christiansen, KT-trygdarserfrøðingur.

Hoyr innslag í útvarpstíðindunum:

06102026_KT-trygd