Busta tenn og halt sjúkum burtur

Tú bustar tenn og brúkar regluliga tanntráð.

Men visti tú, at við at halda tenninar reinar, syrgir tú eisini fyri at minka um vandan fyri álvarsomum sjúkum? 

Í Heilsuhorninum hesa ferð verður sjóneykan sett á munn- og tannheilsu, og sambært Sáru Fossá, tannlækna, er umráðandi at fólk vita, hví góð munnheilsa hevur týdning.

Í sendingini vísir Sára Fossá á, at munnurin er inngongdin til kroppin, og at munnheilsa er meira enn bara hol í tonnunum.

- Muðurin hongur saman við restini av kroppinum, og vissi tú hevur óviðgjørdan bruna í tannkjøtinum ella í einari tonn, so ávirkar tað restina av kroppinum, sigur Sára Fossá.

Sambært henni kann tað hava álvarsligar avleiðingar, um tú ikki tekur tær væl av munn- og tannheilsuni.

- Til dømis vísir gransking, at bakteriur kunnu fara frá munninum og út í blóðbanan. Tað kann hava ávirkan á ávísar sjúkur, eitt nú diabetes og hjarta-æðrasjúkur. Og so vísir tað seg eisini, at bakteriur frá munnholuni eru at sæddar í blóðproppum í hjartanum og í heilanum, fortelur Sára Fossá í útvarpssendingini Heilsuhornið.

Hoyr alla sendingina her.