»At vinna heimin«

Pál Joensen hevur svomið seg fram millum teir allarfremstu og er nú millum tíggju teir skjótastu svimjarnar í heiminum á bæði 800 og 1500 metrum. Orsøkin til stóru framgongdina er ikki einans góðar gávur, men eisini ein óvanliga hørð og drúgv venjing, har tað verður farið vísindaliga til verka.

Í sendingini vitja vit í Vági, har vit fáa eitt innlit í venjingina, sum lættliga kemur upp móti 40 tímum um vikuna. Og stendur tað til Pál og venjaran Jón Bjarnason, so er hetta einans byrjanin. Pál er við sínum 18 árum millum yngstu svimjarnar í heimselituni, men hann hevur sett sær tað mætasta málið, nevnliga at vinna OL gull fyri Føroyar.

Lagt til rættis: Ivan Niclasen.