VIDEO Nærmyndir: Farmaskipið Horst B siglt á land

Tað var um 21-tíðina Tollaksmessukvøld, tá farmaskipið Horst B var á veg av Havnini, at óhappið hendi, og farmaskipið sigldi á land á Argjum.

Loðs- og sleipibátarnir, Skúmarin og Pressarin, hjá skipasmiðjuni MEST í Havn, hjálptu til at fáa skipið leyst frá landi aftur, so tað kundi leggjast at bryggju.

Í løtuni eru froskmenn niðri og kanna, um farmaskipið Horst B, ið siglir fyri Eimskip fekk skaða, tá tað sigldi á land undir argjalandinum.

Rúsdrekkaroynd tikin av skiparanum

Løgreglan tók alkoholtest av skiparanum, og hon var negativ. Sambært vakthavandi á politistøðini í Havn, Ingmar Hammer, ger løgreglan ikki meira við málið nú.

Trygging, reiðaríið ella skiparin kunnu biðja um sjóforhoyr, men tað er so ikki umbiðið enn. Sambært vakthavandi á Havnaskrivstovuni, Rúna Hentzte, var Horst B á veg til Onglands.

Fotografur: Bjarnheðin í Hoyvík