Fyrsti dagur sum almennur stjóri

Edvard Heen verður ikki málsviðgerði, men stutt er upp til stjóran, tí kærumál enda á hansara borði, og tí krevur tað, at Edvard Heen veit, hvørja tænastu viðskiftafólkini fáa.

Á nýggjárinum fer eldraøkið út til kommunurnar at umsita. Tað hevur m.a. við sær, at fólk, sum í dag eru í starvi hjá Almannaverkinum, skulu í starv hjá kommununum. Men um broytingarnar fara at hava við sær uppsagnir í Almannaverkinum, dugir Edvard Heen ikki enn at siga.