Sambandsflokkurin bindur frið til ólavsøku

- Tað er ov einfalt at siga, at nú valdar politiskur friður, men líkt er til, at avtalan er gjørd milum løgmann og tingmanningina um at binda frið eina løtu. 

Tað sigur Eirikur Lindenskov, blaðstjóri og viðmerkjari. Hann vísir á, at løgmaður hevur sagt alment, at málið er bara avgreitt fyribils. 

Eirikur Lindenskov væntar, at flokkurin fer at binda frið í málinum um Jørgen Niclasen til ólavsøku, meðan neyðug mál verða avgreidd.

Men tá nýggj tingseta byrjar, kann nógv henda, heldur Eirikur Lindenskov, sum var gestur í sjónvarpsstovuni í gjárkvøldið.