Retorikari: Sea Shepherd er ein væl smurd maskina

Søgan um heimskendu Hollywood-stjørnuna, sum vitjaði í fjarskotnu Føroyum, hevur vakt ans kring knøttin - og á internetinum.

Eydna Skaale er retorikari. Sambært henni er Sea Shepherd ein ógvuliga vælsmurd maskina, sum hevur eina neyva og planlagda strategi, tá tey fara út við sínum boðskapi.

Í sambandi við vitjanina hjá Pamela Anderson í Føroyum, søgdu bæði hon og Sea Shepherd, at hon var komin til landið at tosa við føroyingar um grind og grindadráp. Hesum loyvir Eydna Skaale sær at ivast í.

Sí innslag í Degi og Viku og samrøðu við Hans J. Hermansen, nevndarlim í Grindamannafelagnum, sum var gestur hjá Finni Koba í sjónvarpsstovuni.