Sjónleikarhúsið verður bygt út

Sjónleikarhúsið í Havn skal útbyggjast eystureftir, so tað verður lættari at arbeiða í húsinum. Samstundis skal forhøllin umvælast, tí har lekur illa.

Nýggi útbygningurin er mettur at kosta eina góða miljón krónur, men fíggingarspurningurin er ikki loystur enn.

Ætlanin er søkja ymsar grunnar, sigur Karin Djurhuus, forkvinna í Havnar Sjónleikarfelag.

Havnar Sjónleikarfelag fær á hvørjum ári 800.000 krónur i rakstarstuðli frá Tórshavnar kommunu. Harumframt fíggja tey sítt virksemi við at leiga húsið út.