Eik flutti tapið og fekk 90 milliónir

Tann hálva milliardin í tapi, sum gav bankanum 90 milliónir krónur í frádrátti, hoyrdi upprunaliga til tíðarskeiðið hjá tí undanfarna Eik Banka.

Tað vísa skjøl hjá Eik sjálvum.

Men við at flyta tapið til tíðina eftir endurstovningina, tryggjaði bankaleiðslan nýggja bankanum allan milliónafrádráttin.

Vit hava biðið stjóran í Eik, Suna Schwartz Jacobsen, um eina nýggja samrøðu, har vit ætlaðu at spyrja, hvussu tap, sum Eik fyrr hevur skrivað, hoyrdu til 3. ársfjóring 2010, nú hoyra til eitt seinni tíðarskeið. Men Suni Schwartz Jacobsen vil ikki at gera viðmerkingar til málið, meðan Taks kannar málið.