Skipararnir fara í rættin

Skipararnir á teimum fýra fronsku trolarunum, sum vórðu tiknir eystan fyri Fugloynna um vikuskiftið,  góðtaka ikki sektaruppskotið, og málið endar tí í rættinum.

Verjin hjá skiparunum hevur veitt trygd fyri peningaupphæddini.

Skipararnir siga, at teir vistu ikki av, at teir fiskaðu á eini stongdari leið.

Fiskiveiðieftirlitið kunnaði franska fiskiveiðieftirlitið um stongdu leiðina 13. juni, og franska fiskiveiðieftitilið váttaði í gjár, at boðini um stongsilin vóru komin fram, vísa skjøl, sum Kringvarpið hevur fingið innlit í.