Fíggjarligt Støðufesti varskógvaði TAKS

Eik vildi annars vera við, at tað var bankin, sum fekk TAKS at taka málið upp av nýggjum.

Men tað hendi ikki fyrr enn 11 dagar eftir fráboðanina frá Fíggjarligum Støðufesti.

Vit hava verið í samband við Súna Schwartz Jacobsen, stjóra í Eik, men hann vil ikki gera viðmerkingar til málið.

Eik hevur kært

Eik hevur kært bæði Kringvarpið og Miðlahúsið fyri umrøðuna av skattamálinum. Kringvarpið er kært fyri sendingina "Skattamálið", sum var send í vár. Eik ger í kæruni millum annað vart við, at tað var í august 2015 - og ikki í juni, sum varð sagt í sendingini - at nevndin í Eik varð kunnað um fyrru avgerðina hjá Taks.

Kringvarpið ger vart við, at hetta er rætt.

Eisini var sagt í sendingini, at "innanhýsis grannskoðarin" hjá bankanum hevði sagt seg úr starvi. Hetta kann geva hyggjaranum ta fatan, at tað bert er ein innanhýsis grannskoðari í bankanum. Soleiðis er ikki. Rættari hevði verið at sagt, at "ein av innanhýsis grannskoðarunum" segði seg úr starvi.