100 hús standa tóm í Vága kommunu

Stóri prísmunurin á sethúsum í Havn og á bygd er eitt, men fleiri skeivleikar eru á bústaðarmarknaðinum.

Hóast kommunur kring landið stykkja út, er trupult at nøkta eftirspurningin, tí fleiri tóm hús á bygd koma ikki á sethúsamarknaðin.

Borgarstjórin í Vága kommunu, Eyðdis Hartmann Niclasen, kennir væl trupulleikan, tí í kommununi standa ikki færri enn umleið 100 hús tóm.