Krúnprinsaparið í Føroyum í 2005

Í sambandi við, at krúnprinsaparið kemur aftur til Føroya á vitjan, líta vit aftur á seinastu almennu vitjanina, sum var í juni 2005.

Tá vóru tey nýgift, og Mary krúnprinsessa var við barn við teirra fyrsta fødda, Christiani prinsi. 

Men nú tey koma aftur á vitjan í august næsta ár, er tað saman við øllum fýra børnunum, Christiani prinsi (12) , Isabellu prinsessu (10), og seks ára gomlu tvíburðunum Vincent prinsi og Josephine prinsessu. 

Krúnprinsaparið og teirra fýra børn koma til Føroya við kongsskipinum Dannebrog, og vera her dagarnar 23. til 26. august. 

Aksel V. Johannesen, løgmaður, verður vertur hjá teimum.