Tunnilin úr Gerðum verður væl dýrari

Tað er metingin hjá Landsverki.

LES EISINI: Í lagi at bíða hálvtannað ár

Fer at kosta 460 milliónir

At gera nýggju tunlarnar á leið har, teir gomlu eru, men niðari í lendinum, kostar 360 milliónir krónur.

Hin møguleikin, at bora úr Gerðun til Árnafjarðar, kostar 100 milliónir krónur meira, tí tann tunnilin er longri, og vegagerðin í Árnafirði eisini.

Umkoyringarveg fyri 60 milliónir

Út frá einum kost-nyttu sjónarmiði heldur Landsverk tað vera rætt at gera tunnilin úr Ánunum heldur enn úr Gerðum, og so í staðin gera ein nýggjan umkoyringarveg eftir eystara armi í Klaksvík úr Gerðum til Ánirnar.

Umkoyringarvegurin úr Gerðum til Ánirnar er mettur at kosta 60 milliónir krónur - ella 40 milliónir krónur bíligari enn meirkostnaðurin av at byrja tunnilin í Gerðum og gera longri veg í Árnafirði.

Tá Landsverk mælir til, at nýggi tunnilsmunnin verður nærhendis tí verandi - í Ánunum - og ikki verður fluttur í Gerðar, er tað eisini tí, at mesta ferðslan norður um Fjall kemur úr Klaksvík - og ikki beinleiðis úr Norðoyatunlinum.