Varðveita gamla kanón

Hon vardi fólk og stað undir krígnum - gamla kanónin á Nesi. Nú, 73 ár seinni, stendur hon í einsemi og peikar út á Skálafjørðin.

Saman við øðrum er Alfred Olsen farin undir at gera økið á Nesi, har hermenn hildu til undir seinna heimsbardaga, til eitt krígssavn.

Fyrsta ítøkiliga uppgávan, verður at seta gott 100 ára gomlu kanónina í stand.

Upprunaliga var eitt hálvtak á staðnum, har kanónin stóð, og tað skal eisini uppaftur.