Bakkafrost fekk byggiloyvi fyri stongdum hurðum

Klaksvíkar býráð hevur givið Bakkfrosti loyvi at hegna ein part av kaiøkinum av.

Fundurin var fyri afturlatnum hurðum, og tað heldur Beinir Johannesen, býráðslimur í Fólkaflokkinum, ikki vera í lagi.

At ein partur av havnarøkinum verður hegnaður av, fer at geva øðrum fyritøkum trupulleikar, og tí eigur kommunan at finna eina aðra loysn, sigur Elsubeth Poulsen, virkisleiðari á landingarmiðstøðini og frystigoymsluni í Klaksvík.

Bakkafrost skal brúka havnarøkið til landstøð. Orsøkin til, at økið skal stikast av, er, at tað fer at minka um vandan fyri smittu í alibrúkinum.

Johan Lu:tzen, stjóri í Norðlýsinum, sigur, at á Norðlýsinum hava tey merkt stóran áhuga frá borgarunum í Klaksvík fyri málinum.