Fiskidagar ella kvotur - eingin veit

Tað er framvegis ógreitt, um fiskidagaskipanin heldur fram næsta ár, ella vit fáa eina kvotuskipan 1. januar.

Løgmaður hevur fingið lyfti um, at Framsókn fer at taka uppskotið um at útseta kvotuskipanina í eitt ár aftur. 

Stjórin í Reiðarafelagnum sigur, at vinnan verður hildin gísli í einari partapolitiskari ósemju.

Jørgen Niclasen, formaður í Fólkaflokkinum, sigur, at eitt valdsstríð er í samgonguni.

Hann sigur, at verður uppskotið hjá Framsókn tikið aftur, verður tað lagt framaftur, til tess at binda um heilan fingur.