Fáa ikki brúkt húsarhaldstól á bústovninum

Gerandisdagurin hjá teimum, sum búgva á bústovninum Karlamagnusarbreyt 34 í Hoyvík, er nógv merktur av einum breki í el-veitingini, sum á níggjunda degi ikki er loyst. Og nú er tolið um at vera uppi.

Andras Róin, stjóri á Bústøðum, harmast støðuna. Hann sigur, at vistu tey, at málið fór at draga út, høvdu tey borið skjótari at. 

Í innslagnum sæst eitt elskáp, leidningar og ein hvítur bygningur, sum er í gerð. Hyggjarin kann fáa ta fatan, at hesin bygningurin er tann bygningurin sum verður umrøddur í innslagnum, Tilskilast skal, at tað er tað ikki. Talan er um grannabygningin.