I AM staðin upp frá deyðum

Segði tú andaligan rokktónleik í Prix Føroyar tíðini í 90'unum og 00'unum, so hugsaði tú helst um bólkin I AM.

Bólkurin, sum hevur ligið deyður í nógv ár, er nú risin upp aftur.

Limirnir hava funnið fram ljóðførini og hava spælt inn nýggj løg, sum verða framførd á konsert í Ítróttarhøllini á Hálsi í næsta mánað.

Vit hava tikið eitt kaffiprát við gittarleikaran í bólkinum, Arna Zachariassen, um bólkin og um standin við andaligum tónleiki í dagsins samfelagi.