Barndómsvinmenn á hvør sínum landsliði

Teir eru javnaldrar og barndómsvinmenn. Teir spældu á liði saman í Kyndli longu fyri skúlaaldur. Eisini vóru teir liðfelagar í HB. 

Jóhan og Eirikur vóru tveir av gávuríku spælarunum í Kyndli, og longu sekstan ára gamlir fylgdust teir til Danmarkar at spæla hondbólt. Har skiltust teirra vegir. Jóhan fór til Skanderborg og Eirikur til Viborg.

Í dag spælir Jóhan í Bjerringbro-Silkeborg í donsku Hondbóltsliguni, og Eirikur í FFi í Frederikshavn - í lægri deild enn Jóhan.

Í dag møttust gomlu Kyndilsgarparnir aftur á vølli saman - hesaferð á hvør sínum landsliði í EM-dysti í Gigantium.