Ummæli: Når støvet har lagt sig

Danir duga sera væl at gera krimi, spenning og sosialrealismu, tá tað kemur til góða sjónvarpsfiktión. 

Nýggja ambitiøsa sendirøðin hjá Danmarks Radio, “Når støvet har lagt sig”, sum snýr seg um eitt yvirgangsálop á danskari jørð, roynir at blanda allar tríggjar sjangrurnar saman í eina sendirøð.

Tað er rithøvunda-greipan, Dorte Høgh og Ida Maria Rydén, sum hava skapt sendirøðina, og higartil hava 6 av 10 pørtum verið at sæð á DR1.