- Tíðindi, mentan og ítróttur
Myndlist í Føroyum
Føroya fyrsti professionelli myndlistamaður varð borin í Mykinesi, og hann tók navn eftir oynni. Sámal Joensen-Mikines tók eina tá í tíðini heilt óvanliga avgerð, tá hann valdi at gerast listamaður.
Gjørdi hann sum unglingar flestir í Føroyum tá, fór hann til skips. Hann kundi síðani sett búgv og livað sum sluppmaður og jarðarbrúkari.
Mikines búði ein stóran part av lívinum í Danmark, og í sendingini skulu vit millum annað hoyra um nakrar av hansara mest kendu málningum, eitt nú "Aftur av jarðarferð" og málningarnar av grindadrápi.
Myndlist í Føroyum
Myndlistin list tók seg upp seint í 19. øld í sambandi við, at føroyingar fóru at geva náttúru síni gætur. Ein vaksandi tjóðskaparkensla bar í sær, at landslagið gjørdist listarligt myndevni, fyrst í skaldskapi - føðilandssongum, sum í dag eru fólkaogn - og síðani í myndlist. Eftir eitt tríati ára skeið við slóðbrótandi amatørvirksemi komu tey fyrstu professionellu listafólkini fram miðskeiðis í tríatiárunum. Eftir kríggið trinu fram mong nýggj gávurík listafólk, og hesi seinastu 50 árini kunnu vit stafesta, at myndlistin er vorðin ein týðandi listagrein í Føroyum. Talan er um dokumentarsending í 11 pørtum. Skrivað og lagt til rættis fyri SvF: Bárður Jákupsson. Programmleiðsla: Ivan Niclasen.
